Xiaomi’s Next Year Flagship Mi 7 Specifications And Images Leaked

Dhire dhire Xiaomi kayi countries mein ek baa aur popular brand ban gaya hai, India mein Xiaomi ke sabhi smartphones hathon haath bik jaate hain aur sabse bada reason hai Xiaomi ke affordable prices. Xiaomi affordable prices mein behtar specifications dene ki koshish lagaataar kar raha hai. Yahi koshish wo apne agle phone Mi 7 ke saath bhi kar raha hai.

Haal hi mein is company ke next flagship Mi 7 ki khabron se bazaar garm hone laga hai jo agle saal release hoga. Halaanki iski launch date ke baare mein koi jaankaari nahin hai lekin iska price CNY 2699 ho sakta hai.

Jis tarah ke rumors market mein charcha mein hain, unke anusaar Mi 7 6.01 inch ki 18:9 display ke saath aayega aur ismein Samsung ki OLED display hogi, lekin resolution kitna hoga is baat ki jaankaari abhi nahin hai. Jaisa ki sabhi smartphones karte hain, Xiaomi ne bhi full view display hone ke kaaran fingerprint scanner ko rear panel par jagah di hai. Lekin baaki companies ke flagship ki tarah isemin face unlock feature nahin hoga.

Maanaa jaa raha hai, Mi 7 mein 16 MP ke dual rear cameras honge jo f/1.7 aperture aur dual tone LED flash light ke saath aayenge. Ummid jataayi jaa rahi hai ki ismein Mi 6 ki same battery moujood hogi jo fast charging technology ke saath aayegi.

Mi 7 mein Qualcomm ka 2018 flagship processor lagaaya jaayega yaani ki Snapdragon 845 CPU. Ismein 6GB ki RAM aur 128GB ya 64GB ki storage ho sakti hai jise aap microSD card dwara badha bhi paayenge. Ismein Android 8.0 Oreo aa sakta hai jis par companu ka apna custom user interface MIUI 9 hoga.

Iski other informantion ke liye hamaare saath bane rahiye.