OnePlus ka Sabse Tezi Se Bikne Wala Smartphone Bana OnePlus 5T, 6 Ghante Mein Sabhi Units Khatm
Kayi hafton tak apni leaked news ko lekar khabron mein rahe OnePlus ke flagship smartphone OnePlus 5T ko 16 of November ko globally launch kiya gaya tha. Usi samay ye bhi bataya gaya tha ki OnePlus 5T Amazon Prime members ke liye Amazon par 21 November se available hoga.
Kal yaani ki 21 November ko jab OnePlus 5T Amazon Prime members ke liye sale ke liye uplabdh karaaya gaya to kewal 6 ghanton mein iski saari units khatm ho gayi.
Record-breaking launch day sales - in just 6 hours, the #OnePlus5T has become our fastest selling device. Order now. oneplus.net/5t392 people are talking about this
Company ne bataya ki OnePlus 5T ko behad achha response mila hai aur ye OnePlus ka ab tak ka sabse tezi se bikne waala smartphone hai jiske sale ke liye aate hi kewal 6 hours mein OnePlus 5T ki sabhi units khatm ho gayin.
U.S. aur India mein OnePlus 5T ki open sale 6 din baad yaani ki 28th of November ko hai aur ye kewal Amazon par hi uplabdh hoga. China mein ye handset usi din launch kiya jaayega aur 1st of December se iski sale start hogi.
Jaisa ki hum aapko pehle bhi bata chuke hain ki ye smartphone, OnePlus 5 ka updated version hai jo kuch naye aur improved features ke saath launch kiya gaya hai. OnePlus 5 ko ab company dwara stocks khatm hote hi discontinue kar diya jaayega.
OnePlus 5 aur OnePlus 5T ke dimensions mein jyada fark nahin hai, lekin bezel-less display hone ke kaaran 5T mein 6 inch ki display bade aaram se fit hoti hai. Naye Face Unlock feature ke saath aane waale is handset mein Snapdragon 835 processor hai aur saath hi 6GB / 8GB ki RAM aur 64GB / 128GB ki storage hai.
OnePlus 5T mein 16 MP + 20 MP ke rear cameras aur 16 MP ka front camera moujood hai. 3300mAh battery ke saath aane waala ye phone Android Nougat software par chalta hai.
6GB RAM ke saath aane waale is handste ko 32,999 INR mein aur 8GB RAM variant ko 37,999 INR mein Amazon se kharida jaa sakta hai.
No comments
Post a Comment